Keypstreytirnar hjá teimum einkultu matstovunum eru galdandi, burtursæð frá Hallartúni. (sí treytir fyri Hallartún longur niðri)

Matstovudagar.fo er ein tekniskur veitari í samband við marknaðarføring av matstovudøgum.

Matstovudagar.fo hevur onga ábyrgd av handfaringini av bókingini, sum matstovan setur til sølu á matstovudagar.fo. Tað er bara matstovan, sum hevur ábyrgdina av bíleggingini.

Matstovudagar.fo kann heldur ikki ábyrgdast fyri brot ella onnur mál, sum íkoma orsakað av gerðum hjá slutbrúkarinum.

Matstovudagar.fo kann ikki ábyrgdast fyri tap ella onnur viðurskifti, sum íkoma orsakað av vantandi atgongd til tænastur ella upplýsingar á internetinum. Hetta er galdandi, líka mikið um vantandi atgongdin er íkomin orsakað av, at skipanir eru niðri, øðrum umstøðum hjá matstovudagar.fo ella force majeure.

Øll møgulig endurgjaldskrøv fyri bílegging skulu beinast beinleiðis til ábyrgdandi veitara av bíleggingini.

Verður bíleggingin avlýst í samband við gjaldstrot hjá fyriskiparanum, endurskipan av felagnum, flyting av bíleggingini ella onnur brek, er hetta óviðkomandi fyri matstovudagar.fo, tí skulu endurgjaldskrøv beinast til fyriskiparan/trotabúgvið.

 

Treytir í samband við keyp til Hallartún

Prísir
Prísir eru í donskum krónum (DKK).

Gjaldshættir
Gjaldast kann við Dankorti (FR-korti) og Visa/Dankort. Goldið verður umvegis gjaldsveg hjá Quickpay. Gjaldskortsupplýsingar verða sendir beinleiðis til Quickpay. Matstovudagar hevur ikki atgongd at síggja teir.

Bílegging
Bílegging og ein kvittan verða send við telduposti, beinanvegin goldið er, íroknað er avgreiðslugjald.

Iðranarrættur
Vísandi til “Forbrugeraftaleloven §17 stk. 2 saman við §9 stk. 2 nr. 2a” er keyp av atgongumerkjum ikki umfatað av iðranarrætti. Møgulig umsitingargjøld verða ikki endurgoldin.

Verður avlýst í seinasta lagi 24 tímar áðrenn bókingina, fært tú peningin aftur, men ikki bókingargjaldið sum er 40kr. Eru undir 24 tímar eftir, ber ikki til at avlýsa, og einki verður endurrindað.

Ábyrgd
Verður tiltakið avlýst, verður peningurin fyri bílegging fluttur aftur á konto hjá kundanum, men Matstovudagar tekur ikki ábyrgd av øðrum tapi hvørki beinleiðis ella óbeinleiðis, ið er knýtt at avlýsingini. Eru partar av skránni avlýstir, men tiltakið verður, so verða bíleggingar ikki endurgoldnar.